Íþróttadagur Grunnskóla Fáskrúðsfjarðar var í dag. Margt var í boði í keppninni s.s. fótbolti, blak, handbolti, bandý, hnit, krossgátur, suduko, stafsetning, olsen olsen, púsl, borðtennis, fótboltaspil, spurningakeppni og svo í lokin tóku nemendur þátt í skólahreysti.
Miðstig og unglingastig kepptu sín á milli og voru 9. og 10. bekkur stigahæst og unnu þau bikarinn (Tweety) 7. og 8. bekkur í 2. sæti og miðstig í 3. sæti. Yngsta stig var með keppni á mili þriggja hópa og vann hópur er nefndi sig Kálfarnir. Mikið fjör og góð stemning myndaðist í dag.
Myndir í albúmi.

Hér er mikið hugsað í krossgátunni.

Súkkulaðikaka

1 ¼ dl hveiti

1 dl sykur

¼ tsk matarsódi

¼ tsk lyftiduft

¼ tsk salt

1 ¼ msk kakó

1 lítið egg

½ dl mjólk

Tæpur ½ dl olía

½ tsk vanilludropar

1.    Kveikið á ofninum og stillið hann á 180°C.

2.    Allt hráefni sett í skál og hrært saman.

3.    Deigið sett í lítið, vel smurt, tertuform.

4.    Bakið í miðjum ofni í 15-20 mínútur.

Súkkulaðibráð

½ msk olía

1 ½  msk kakó

1 ½ dl flórsykur

2 msk vatn

¼ tsk vanilludropar

Allt sett saman í skál og hrært saman. Sett á kökubotninn þegar hann hefur kólnað.

Hrísgrjónaréttur

1 dl hrísgrjón

2 dl vatn

1 tsk matarolía

½ tsk salt

1 msk olía

¼ tsk karrí

30 g hvítkál

¼ paprika

1 gulrót

¼ laukur

½ dl rúsínur

2 sneiðar skinka

1.    Vatn, hrísgrjón, matarolía og salt sett í pott og látið suðuna koma upp.

2.    Skolið, hreinsið og skerið grænmetið niður.

3.    Skerið skinkuna í litla bita.

4.    Hitið olíu og karrí á pönnu.

5.    Steikið grænmeti og rúsínur við vægan hita í 3-5 mín.

6.    Bætið þá skinku og soðnum hrísgrjónum saman við.

Litrík eggjakaka

3 egg

3 msk kalt vatn

¼ tsk salt

1/8  rauð paprika

1/8 græn paprika

2 pylsur

30 - 50 g ostur

25 gr olía

1.    Egg, vatn og salt sett saman í skál.

2.    Skerið pylsurnar í þunnar sneiðar.

3.    Skolið paprikuna og skerið í litla teninga.

4.    Rífið ostinn.

5.    Setjið olíuna á pönnu og hitið við vægan hita.

6.    Steikið pylsusneiðarnar og paprikubitana á pönnunni í smástund.

7.    Hellið eggjahrærunni yfir og síðast ostinum.

Vöfflur

3 dl hveiti

½ dl heilhveiti

2 tsk lyftiduft

2 msk sykur

¼ tsk salt

½ dl matarolía

2 egg

2 ½ dl mjólk

1 tsk vanilludropar

Allt sett í skál og hrært saman í kekkjalausan jafning. Bakað í vel heitu vöfflujárni.

Gómsætt páskakonfekt

  

5 msk salthnetur
1 msk rúsínur
Tvö handfylli af döðlum (ca.16 stk)
1 msk olía (sesamolía)
2 msk Cashew hnetur
Suðusúkkulaði (það má auðvitað nota hvaða súkkulaði sem er)

Byrjið á því að setja súkkulaðið í vatnsbað. Meðan súkkulaðið er að bráðna eru öll hin efnin sett í blandara. Þegar það er orðið vel maukað eru búnar til kúlur, stærðin fer eftir smekk hvers og eins.
Þegar súkkulaðið er bráðið eru kúlurnar hjúpaðar með því. Gott er að setja kúlurnar í smá stund inn í frysti eða yfir nótt í ísskáp áður en þær eru bornar fram.

Ítalskt rísottó

½  stk laukur, saxaður

½  rauð paprika, söxuð

½  græn paprika, söxuð

50 g sveppir, sneiddir

1 msk matarolía

2 ½  dl löng hrísgrjón

½  l vatn

1 stk kjúklingateningar

Salt og pipar

1 dl parmesanostur eða annar rifinn ostur

1.   Saxið laukinn og paprikuna og sneiðið sveppina.

2.   Hitið olíu í potti og léttsteikið grænmetið(paprikuna og sveppina).  Takið grænmetið og setjið það á disk.

3.   Bætið olíu í pottinn og setjið ósoðin hrísgrjón og laukinn í pottinn,  hitið í tvær mín.

4.   Hellið vatninu yfir hrísgrjónin og myljið teninginn út í. Sjóðið undir loki í ca. 15 mín. Bætið sveppunum og paprikunni  út í og sjóðið þar til grjónin hafa drukkið í sig allan vökvann.

5.   Kryddið eftir smekk og blandið ostinum saman við í lokin.

Hjónabandssæla

2 dl hveiti

2 dl haframjöl

1 dl púðursykur

½ tsk matarsóti

80 g smjörlíki

1 egg

Aðferð

1.    Kveikið á ofninum og stillið á 200°C.

2.    Setjið þurrefnin í hrærivélaskálina. Setjið smjörlíkið saman við og hnoðið með króknum.

3.    Setjið eggið saman við og hnoðið.

4.    Ef deigið er of þurrt má setja örlítið af mjólk saman við.

5.    Skiptið deiginu í 3 hluta og setjið 2 hluta í 12 muffinsform. Eina teskeið af sultu yfir hverja köku og jafnið því sem eftir er að deiginu yfir sultuna.

6.    Bakist í 10 - 15 mín.

PASTA MEÐ OSTI OG PYLSUBITUM

150 g pastaslaufur eða annað pasta

3 pylsur

5 ræmur beikon

1/2 hvítlauks-, pipar- eða mexíkóostur

4 msk smurostur með beikonbragði

1 1/2 dl mjólk

Aðferð

1. Sjóðið pasta samkvæmt leiðbeiningum á pakka.

2. Skerið pylsur og beikon í litla bita.

3. Steikið pylsur og beikon á pönnu við meðalhita í 10 mínútur.

4. Skerið ostinn í bita og bætið á pönnuna ásamt mjólk og smurosti og hrærið vel

þangað til osturinn leysist upp.

5. Blandið saman við nýsoðið pastað og berið fram með brauði.